Білім күні

1 қыркүйек — оқушылар, ата-аналар мен ұстаздар үшін ерекше, әрі толқынысқа толы күн. Бұл күн жаңа оқу жылының, жаңа білім мен жаңа мүмкіндіктердің басталғанын білдіреді.
Білім күніне орай Сандықтау ауданының әкімі Серік Құдабай Белгородское ауылында өткен салтанатты жиынға қатысты.
Аудан әкімі оқушыларды, ата-аналар мен мұғалімдерді жаңа оқу жылының басталуымен құттықтап, мектеп оқушыларына қызықты жаңалықтар мен жаңа мүмкіндіктер, өз күшіне деген сенімділік, табандылық және оқуында үлкен жетістіктер, ал ұстаздарға шығармашылық шабыт, шыдамдылық пен білімге құштар, алғыс білдіре білетін шәкірттер тіледі.
«Белгородское» ЖШС басшысы Артем Любимовке мектептің дамуына қосқан үлесі мен білім беру мекемесіне көрсетіп отырған қолдауы үшін ерекше алғыс айтылды.
Мерекелік жиын көпшілікке көтеріңкі көңіл күй мен шынайы мерекелік атмосфера сыйлаған жарқын музыкалық қойылымдармен жалғасты.
Іс-шараның салтанатты шарықтау шегі — жаңа оқу жылының басталғанын білдірген алғашқы мектеп қоңырауы болды. Одан кейін оқушылар осы оқу жылындағы алғашқы сынып сағаттарына аттанды.